Azken egunotan oso famatua egin da Ted Williams eskalea. Mundu osoko hedabideek gizon honen istorioaren berri eman dute beren albistegietan eta denok txundituta utzi gaitu bere berezitasunarekin: bere ahotsa! Ted Williamsek irratian egiten zuen lan alkohol eta drogen munduan erori baino lehen. Urteak zeramatzan semaforoetan bizirauteko limosna eske, baina bere zorionerako behin Columbus Dispatcheko kazetari batek aurkitu eta eskalearen ahotsa grabatzea erabaki zuen. Ordutik, Ted Williamsek lan eskaintzak besterik ez ditu jaso: MTV eta ESPN telebista kateek jada berarekin kontaktau dute, Futbol Amerikarreko Ligatik ere deiak jaso ditu, eta NBAko Clevelan Cavaliers saski baloi taldeak ere speaker lana egiteaz gain, etxebizitza bat ere eskaini dio.
Egun gutxitan bizitza guztiz aldatu zaio gizona honi, bere ahotsak bizitzan bigarren aukera bat luzatu dio eta etorkizunak iragarriko dionaren esperoan jada famatu egin eda Ameriketako Estatu Batuetan eta 'Urrezko ahotseko gizona' bezala izendatu dute.
No hay comentarios:
Publicar un comentario