Atzo erabaki zen azkenean futboleko mundua lo hartu ezinik zuen sari banaketa. 2010.urteko Urrezko Baloia Lionel Messi argentinarrak irabazi du. Hainbesteko ikusmina sortu duen final honetan, bartzelonako 10a bere taldekide diren Iniesta eta Xaviri gailendu zaio azkeneko bozkaketan. Honekin, bigarren Urrezko Baloia du Messik jarraian. Banatu ziren beste sarien artean, Real Madrileko entrenatzaile den Jose Mourinhok entrenatzaile onenaren saria eraman du; Altintopek urteko golik onena saritzen duen Puskas garaikurra bereganatu du; eta aldiz, emakumezkoen artean Marta Vieira da Silva brasildarrak 5. urtez jarraian lortu du Urrezko Baloia.
No hay comentarios:
Publicar un comentario